Thanda

د كاروان صيب يو ښكلى نظم - وايې ورئ

07.12.2011 09:12

نظم

 پير محمد كاروان

 

داسې مه كوه ملنګه

ملنګي خو په دې نه ده

چې كچكول غاړې ته واچوې روان شې

ګرېوان څيرې سر ببر پښې ابلې ګرځې

اواره د غره راغه د بيابان شې

يا له شور نه د عالم په منډو سر شې

د چوپتيا غوندې په غار كې غلى كېنې

نه دې ګټه نه دې زيان چاته رسيږي

نه دې درد نه دې درمان چاته رسيږي

بس ايله د خپل ژوندون پر ستوني باندې

 د خپسې په څېر ناست يې

خپلو شونډو ته دې كولپ وي اچولى

نه دې غږ نه دې سندره چاته رسي

نه د جنګ په ودرولو كې دې لاس وي

نه دې توره نه دې زغره چاته رسي

رواني دې له خبرو وي ويستلې

د اوبو غوندې خبرې دې وي يخ باندې وهلې

داسې مه كوه ملنګه

په شرنګا باندې له چوپ خلوت راووځه

ګوره نه د غره پر څوكه

ژېړى لمر تاته ولاړ دى

هله هله ستا خبرې

دا د يخ ټوټې ټوټې دې

ورته ټولې كتار كېږده

چې اوبو غوندې روانې په غورځنګ شي

چې ژوندون پكې روان په شور و شرنګ شي

ګوندې چرته خو پرې تنده شي خړوبه

د ژوندون سوې صحرا به كړې په سرو ګلونو ډوبه

 


ستاسو تبصره


لطفاً لاندې افغانستان په انګليسي تورو وليکئ.
Sorry, you don't have the Java plugin necessary to operate this chat room. Please download the Java Plugin for free.